Синдромот на скршено срце може да наштети и многу повее отколку само на срцето, укажува ново истражување. И додека екстремниот стрес предизвикан од губење на саканата личност беше поврзан со срцевите проблеми во претходните истражувања, нова студија открила дека една од шест личности со синдром на скршено срце има и рак.
“Се чини дека постои силна врска помеѓу Такотсубо синдромот т.е. синдромот на скршено срце и малигните болести. Затоа треба на сите лица со овој синдром да им се препорача да направат скрининг за рак, како би ги подобриле шансите за преживување“, вели авторот на истражувањето д-р Кристијан Темплин.
Синдромот на скршено срце предизвикува изненадна интензивна болка и губење на здив, што може да допринесе да пациентот чувствува како да има срцев удар. Овие симптоми се реакција на нагло растење на хормонот на стрес, наведува Американската асоцијација за срце (ААС). Оваа состојба доведува до состојба кога срцето не може ефикасно да пумпа крв.
Синдромот скршено срце може да се случи по речиси секој интензивно емоционално искуство. Смрт на саканата личност, прекин или развод, финансиски проблеми, па дури и интензивно позитивно искуство како што е освојување на лотарија, велат од ААС.
Новата студија опфатила 1.600 лица со синдром на скршено срце од неколку европски земји и САД. Меѓу оние на кои им бил дијагностициран рак, повеќето биле жени – 88%, а нивната просечна возраст била 70 години.
Кај жените на возраст околу 45 години очекуваната стапка на рак е 0,4%, но за оние со овој синдром таа стапка е 8%. Кај мажите на иста возраст очекуваната стапка на рак е 2%, а кај оние со синдромот на скршено срце – 22%.
