Зеленчукот е од суштинско значење за квалитетната и урамнотежена исхрана. Препознатлив по својот долен задебелен дел кој се наоѓа под земја, коренестиот зеленчук изобилува со различни хранливи материи и здравствени придобивки.
Сите знаеме дека ако сакаме да бидеме здрави, секој ден мора да јадеме доволна количина на зеленчук. Популарната шема на дневна порција урамнотежена исхрана подразбира внес на околу 40 % зеленчук со секој оброк.
Видови на коренест зеленчук
- Цвекло – богато е со витамини и минерали, а пожелно за здравјето на кардиоваскуларниот систем, црниот дроб и општо во борбата против малигните заболувања. Свежо рендано, е едно од најздравите салати, а сокот од цвекло изобилува со витамините Б9 и Б12, како и со железо.
- Магдонос – изобилува со посакувани соединенија, го поддржува здравјето на дигестивниот систем, го намалува крвниот притисок и шеќерот во крвта и може да помогне кај алергии. Неизоставен дел е во сите варива, а корените на магдоносот може да се користат варени или сурови во салати и други јадења.
- Целер – исто така, богат со лековити соединенија, целата билка има позитивно дејство. Во исхраната помага при надуеност, гастритис и слаб апетит, а може позитивно да делува и кај респираторни проблеми.
- Ротквица – помага против респираторни заболувања (приготвена со мед), делува против микробите, но, исто така, и против заболувања на црниот дроб и ревматски нарушувања.
- Рен – овој ароматичен корен најчесто се користи во сосови, а бабите и дедовците биле во право кога зборувале колку е здрав за организмот.
- Морков – крал на коренестиот зеленчук, богат со витамини и минерали и добро познат по бета каротенот кој го содржи. Најздрав е кога се консумира свеж, дејствува противвоспалително, го зајакнува имунитетот и придонесува за изедначен тен во текот на летото.
- Пашканат – богат е со антиоксиданти, а особено со калиум, па затоа е препорачливо да се вклучи во исхраната. Исто така, ги намалува дигестивните тегоби, делува против микробите и како диуретик, и го поддржува кардиоваскуларниот систем.
- Репа – популарна поради нејзиното делување на здравјето на цревата, бидејќи закиселена делува како пробиотик, репата го поддржува здравјето на кардиоваскуларниот и нервниот систем. Постојат шпекулации дека, исто така, помага и против Алцхајмерова болест, а може да се користи и сурова и варена или печена.
Коренест зеленчук – други здравствени придобивки
Иако коренестиот зеленчук нема примамлив изглед, содржи бројни придобивки за нашиот организам.
Зеленчукот генерално делува:
- Антивоспалително,
- Ја намалува нерамнотежата на киселини во телото,
- Го подобрува имунитетот,
- Ги обезбедува потребните хранливи материи,
- Помага во спречување на дегенеративни болести,
- Нискокалоричен е и помага при губење на тежината,
- Ја подобрува дигестијата (поради големата количина на влакна).
