Статистика вели дека просечниот човек настинува околу 200 пати во животот. Кога сето ова ќе се собере, излегува дека речиси пет полни години поминуваме во борба против шмркањето, кивањето, кашлањето, назалната конгестија, потоа со болки во грлото, главоболка, температура… Од друга страна, факт е дека многу повеќе од настинките, грипот и сите поврзани вирусни и бактериски инфекции далеку почесто не напаѓаат во зима отколку во лето. Но, зошто е така?
Пред се, би требало да се знае дека за поголемиот дел од респираторните инфекции одговорна е фамилијата на т.н. риновируси, што ја сочинуваат околу 160 потполно различни вирус и тоа е причината зошто понекогаш ни се случува да залечиме една настинка, но веднаш да почне друга.
Проблемот е во тоа што нивната генетска структура е променлива, па штом нашето тело научи кој механизам помага во борбата против одреден тип на вирус, тој еволуира и ние сме повторно на почетокот. Нашиот имунолошки систем повторно треба да се бара начини за борба против новите видови на бактерии, а тоа со текот на времето го измачува и тој почнува да слабее.
Притоа, имунитетот е значително посилен во летните месеци, бидејќи му помага витаминот Д од сончевата светлина, а во зима таа помош ја нема, како ни помошта од УВ зраците, кои се способни да го уништат речиси секој риновирус кој ќе им се најде на патот. Исто така, пониските температури и ветерот влијаат негативно на слузницата на грлото и носот, со што уште повеќе се отвора простор за навлегувањето на вирусот во вашето тело.
Се се ова причини зошто во текот на есента и зимата би требало сериозно да го „билдаме“ имунитетот со сите потребни нутритиенти кои ќе им помогнат на нашите одбранбени клетки да станат поотпорни, посилни и што поскоро да се обновуваат после загунбена битка.
Како што рековме, во овој период од годината мошне е важно на телото да му се надомести витаминот Д, а за имунитетот подеднакво се важни и витамините од групата Б, како и витаминот Ц. Сепак, за борбата против настинки и грип е многу важен и доплнителниот внес на природни влакна, како и здрави култури кои, пред се, ги има во јогуртот.
