Оваа необична вежба, според студијата на британски стручњаци, е особено корисна за жените во менопауза кои често имаат проблем со коските.
„Жените можат да загубат до 20 отсто од густината на коските за само седум години по настапувањето на менопаузата заради падот на нивото на хормонот естроген. Вежбањето со оптоварување е најдобар начин за јакнење на коските, како и мускулите, но постарите лица не се баш секогаш способни за тоа, па затоа покорисно им е петминутно скокање“, вели доктор Кетрин Брук Вејвл, авторка на студијата.
Нејзиниот тим во траење од шест месеци следел група жени на возраст од 50 до 70 години од кои секојдневно било барано да прават до 50 поскоци на една нога. Откриле дека густината на коските се зголемила во ногата на која скокале додека на другата се намалила, притоа вежбата не предизвикала никакви оштетувања на колената.
