Автоимуните болести се состојби кога имуниот систем по грешка ги напаѓа здравите клетки во телото. Според имунолозите, имуните клетки во овој случај се обидуваат да отстранат нешто во телото што погрешно го препознаваат како опасност. Постојат над 100 состојби кои се сметаат за автоимуни болести и сите се резултат на дерегулацијата на имуниот систем, но може да имаат различни генетски или други фактори.
Овие симптоми не мора нужно да укажуваат да автоимуно пореметување, но ако имате повеќе од еден симптом, лекарите советуваат да појдете на лекар, особено ако симптомите се присутни подолго време. Со оглед на тоа дека симптомите се преклопуваат со некои други симптоми, често е тешко да се дијагностицираат автоимуните пореметувања. Еве на што треба да обрнете внимание.
Замор
Ова е многу субјективен симптом, но хроничниот замор може да биде еден од главните фактори при дијагностицирање на автоимуните болести. Заморот често може да биде симптом на восаплителни болести, особено ревматски артритис. Станува збор за замор кој не поминува ни после одморање, туку е патолошки бидејќи телото се заморува затоа што целата сила ја насочува на борба со клетките кои ги препознава како опасност.
Вкочанетост или болка во зглобовите
Ако вкочанетоста или болката во зглобовите се јавува често, тоа може да влијае на секојдневниот живот. Често се симптом на автоимуно заболување кое влијае на ткивото, како ревматоидниот артритис.
Промени на кожата
Со оглед дека кожата е најголем орган, не е изненадувачки што некои симптоми на овие болести може да се видат на неа. Тоа може да бидат симптоми на различни поренетувања или резултат на состојби кои директно влијаат на кожата, како псоријаза, склеродерма, дерматомиозитис.
Воспаление
Воспалението во телото е начин на кој телото се штити од бактериите и вирусите, произведувајќи бели крвни зрнца. Доколку е присутна автоимуна болест, имунитетот започнува воспалителен процес за да се одбрани од напаѓачите, дури и ако во организмот нема опасност.
Отечени жлезди
Кога телото се бори со некаква инфекција, може да забележите мало топче од страна на вратот (или под пазувите, брадата), што е всушностботечена лимфна жлезда или јазол. Но, проблемот може да се појави доколку тие топчиња не поминуваат ни по три недели, тврди се на допир и не се поместуваат, или се отечени иако немате други знаци на болеста. Автоимуните болести како системски лупус, ревматоиден артритис и саркоидоза, може да предизвикаат отекување на лимфните јазли и жлезди.
