Се тргнува од главата, тоа сме го чуле безброј пати. А интересно е дека овој принцип може да се примени и на режимот на исхрана. Ако решиме да јадеме здраво нема да биде доволно само да ја смениме исхраната и, на пример, да се ориентираме на зеленчук, да го намалиме внесот на маснотии и јаглехидрати, туку треба и да почнеме да размислуваме на одреден начин.
Германска студија покажала дека луѓето кои размислуваат за здравата храна додека ги приготвуваат оброците служат помали порции што е клучен фактор во губењето и одржувањето на тежината. Учесниците во студијата биле поделени во три групи. На првата и било кажано да се фокусира на здравствените придобивки од храната, на втората на уживањето во вкусот, додека на третата на ситоста, додека контролната група не добила никакви упатства за однесувањето.
На крајот се покажало дека најмали порции бирале токму испитаниците од првата група на кои им било потенцирано да внимаваат на здравствените придобивки од храната. Тоа значи дека кога свесно размислуваме за храната и нејзините придобивки, носиме подобри одлуки кога е храната во прашање.
