Бадемовото масло е богато со витамин Е, мононезаситени масни киселини, протеини и минерали, и благодарение на овие хранливи состојки од дамнина се користи во исхраната, негата на кожата и лекувањето.
Бадемово масло може да се прави од горчливи и од слатки бадеми. Маслото од горчливи бадеми содржи гликозид амигдалин што во човековиот организам се претвора во мошне отровна цијановодородна киселина. Горчливото бадемово масло може да се користи за надворешна употреба, но заради ризикот од труење подобро е да се избегнува.
Слаткото бадемово масло, од друга страна, се добива исклучиво од бадеми кои се јадат. Најмногу се користи за нега на кожата и косата, како и во кулинарството. Доколку сакате да го вклучите бадемовото масло во исхраната, обавезно проверете дали на амбалажата е назначено дека е во прашање масло од слатки бадеми кое може да се консумира.
