Телото секојдневно ни испраќа одредени пораки преку кои може да откриете во каква состојба е. Затоа внимателно слушајте што ви порачува, само така може навреме да реагирате и да си го спасите и животот.
Забите треба редовно да се контролираат затоа што на тој начин освен што го контролирате нивното здравје, со редовно одење на забар можете да дознаете многу работи и за состојбата на вашиот организам. Имено, промените во усната шуплина можат да бидат еден од првите показатели за болести на срцето, белите дробови, дигестивниот систем или некои други делови од телото. Не занемарувајте ги промените на забите и непцата, туку побарајте стручна помош.
Дебелеењето или слабеењето се појави кои им се случуваат на сите низ годините, а најмногу зависат од исхраната, начинот на живот и стресот. Она што не смее да се занемари е драстичното губење или добивање на килограми. Внимавајте – ако за кратко време сте добиле или загубиле голем број килограми, тоа може да упатува на хормонален дисбаланс и проблеми со штитната жлезда или, пак, задржување вода во организмот, односно проблеми со срцето и бубрезите, како и бременост.
Кожата е најголем орган кој секојдневно е изложен на надворешни влијанија, токму затоа е важно да се следат промените кои се случуваат на нејзината површина на кожата. Ако забележите промени на бојата, израстоци, дамки, младежи не е лошо да побарате стручно мислење.
На ноктите претежно се гледа како на украс на рацете, но нивната важност е многу позначајна. Малите и големи промени на ноктите на рацете и ножните прсти можат да укажуваат на разни болести, па така ако сте забележале промена на обликот, текстурата или бојата време е за на лекар.
