Нашиот организам е неверојатна машина на која влијаат низа фактори. Телото секојдневно ни испраќа одредени пораки преку кои можете да дознаете во каква состојба е. Затоа внимателно слушајте што ви порачува. А еве неколку работи на кои посебно треба да обрнете внимание.
Заби
Освен што го контролирате здравјето на забите и непцата, со редовното одење на забар може да дознаете многу нешта за здравјето, односно за состојбата на вашиот организам. Имено, промените во усната шуплина можат да бидат еден од првите показатели за болести на срцето, белите дробови, дигестивниот систем или некои други делови од телото. Не ги занемарувајте промените на забите и непцата.
Тежина
Дебелеењето или слабеењето се појави кои им се случуваат на сите низ годината, а најмногу тоа зависи од исхраната, начинот на живот и стресот. Не смееме никако да го занемариме и значителното дебелеење или слабеење. Ако за кусо време сте добиле голем број килограми или, пак, сте ослаебеле, тоа може да се должи на хормонален дисбаланс, односно проблеми со срцето и бубрезите, бременост.
Мокрача
Во мокрачата има повеќе од 70 отсто маркери со чија помош може да дознаете во каква состојба ви е организмот. Бојата и мирисот се мошне важен показател на здравјето.
Кожа
Кожата е најголем орган кој секојдневно е изложен на надворешни влијанија. Токму заради тоа е важно да се следат промените кои се случуваат на површината од кожата. После туширање набљудувајте ја кожата – дел по дел, а за тешко достапните места употребете две огледала. Ако забележите некои промени, најдобро би било да побарате стручна помош затоа што тие би можеле да укажуваат на болест.
Нокти
Ноктите можат да бидат мошне елегантен украс на рацете, но нивната важност е многу позначајна. Малите и големите промени на рацете и ножните прсти можат да упатуваат на разни болести. Ако сте забележале дека вашите нокти според обликот, текстурата или бојата се смениле, време е за одење на лекар.
