Светската здравствена организација заговара рационална употреба на маски и тоа во случаи кога некој има респираторни симптоми (кашла или кива) или постои сомнеж дека заболел од коронавирус, или доколку негува заболено лице со сомнеж за новиот коронавирус.
Лицата кои имаат респираторни симптоми со носењето маска го намалуваат ризикот од ширење на заразата на другите. Секогаш, независно од тоа дали лицето има знаци на респираторни болести или не, неопходно е да се придржува на општите мерки на заштита.
Заштитната опрема (маска и ракавици) потребно е да се носи при сомневање на зараза или кај лица за кои е потврдено дека се заразени со коронавирус. Се препорачува и за лицата на кои им е изречена мерка на здравствен надзор во карантин или самоизолација или лица за кои постои оправдан сомнеж дека биле во близок контакт со лице за кое е докажано дека е заразено.
ХИРУРШКАТА МАСКА ТРЕБА ДА ЈА КОРИСТИТЕ НА СЛЕДНИОТ НАЧИН:
- Пред ставање маска, измијте ги рацете со сапун и вода или со алкохолен дезинфициенс. Покријте ја устата и носот и проверете дали рабовите на маската се убаво запелени за лицето.
- Избегнувајте допирање на маската додека ја носите. Ако се допира, потребно е да се измијат рацете со сапун и вода, или да се дезинфицираат.
- Маската која се навлажнила, заменете ја со нова. Не користете ја истата маска повеќе пати.
- Маската се вади од лицето со страничниот дел (не се допира предниот дел) и се фрла во затворена кната за отпад. Потоа, рацете се мијат со сапун или се дезинфицираат.
