Слепото црево се смета за „непотребно“ бидејќи и, како што кажуваат лекарите, кај денешниот човек тоа нема никаква функција во разградувањето и елиминацијата на остатокот од сварената храна. Сепак, слепото црево е во организмот и понекогаш знае да биде многу проблематично. Затоа е добро да се знае како да се препознаат симптоми на воспаление на слепото црево.
Болки во десниот долен дел на стомакот
Симптомите на акутно воспаление на слепото црево може да бидат болки во десниот долен дел на стомакот, од десна страна на папокот, проследено со мачнини, нагон за повраќање, зачестено мокрење, а понекогаш и дијареја (пролив) или опстипација (запек). Болката обично е трајно присутна и не поминува со промена на положбата на телото или со повраќањето или проливот.
Болки на други места
Болките може да се појават и на други места во стомакот, па некои пациенти имаат болки лево од папокот, во долниот дел на грбот или над карличната коска. Може да бидат присутни и некои од наведените тегоби, а симптомите се разликуваат кај одредени пациенти.
До воспаление може да дојде во кој било период
Акутното воспаление на слепото црево може да се појави во кој било период, а најчесто е во детската возраст или во раните 20-ти години. Статистички гледано, почесто е кај мажите.
