Овие намирници се богати со омега-3 масни киселини и протеини, ве прават сити, а не дебелат. Она што треба да го знаете е дека ако ги консумирате за вечера, можете брзо да се ослободите од вишокот килограми. Сепак имајте го предвид фактот дека вашиот последен оброк треба да биде во пристојно време.
РИБА
Богата е со омега-3 масни киселини и протеини. На луѓето на кои им недостасуваат омега-3 масни киселини лошо спијат во текот на ноќта, а тоа води кон нездрава исхрана. Слична е ситуацијата и со белото пилешко месо. Пригответе го на скара, обарете го или испечете без маснотија и така консумирајте го. Протеините брзо ќе ве заситат и ќе тргнат во акција на топење на салото додека вие спиете.
ОРЕВИ
Го поткреваат нивото на магнезиум, а, исто така, обилуваат и со омега-3 масни киселини. Ќе ви помогнат да спиете подобро, а ќе го намалат ризикот од болести на срцето, рак и дијабетес. Идеални се за вечера затоа што заситуваат, исто како и бадемите.
МЛЕЧНИ ПРОИЗВОДИ
Млекото е богато со калциум. Истражување од 2010 година спроведено меѓу жените кои се пред менопауза, а кои консумирале храна богата со калциум, покажало дека изгубиле значителни количества на масни наслаги. Освен што помага во топењето на салото, калциумот го подобрува и сонот. Можете и да комбинирате, на пример, млечни производи со месо и јаткасти плодови – резултатите нема да изостанат.
