Грижата за бубрезите е особено важна како старееме. Докажано е дека во повозрасниот период од животот, здравјето на бубрезите е клучно и за здравјето на коските, оти бубрезите ги филтрираат токсините поради кои коските како старееме слабеат. Но, освен за коските, здравјето на бубрезите е клучно и за целокупното здравје и грижата за нив е нужна.
Кои се симптомите кои наговестуваат дека нешто не е во ред?
- ОТЕЧЕНИ ЗГЛОБОВИ, СТАПАЛА, ЛИЦЕ
Насобирањето течност во организмот е јасен показател дека нешто не е во ред со бубрезите, со оглед дека тие се флавни филтри за течностите што се наоѓаат во организмот. Појавата на отоци на некои делови на телото (зглобови, стапала, раце, лице) може да укажува на проблеми со бубрезите.
- ПРОМЕНИ ВО УРИНАТА
Честотата на уринирање, нејзината боја… сите тие промени треба редовно да се забележуваат. Со оглед дека производството на урина е главна задача на бубрезите, логично е дека промените во урината укажуваат на промени во бубрезите.
Некои од промените кои може да ги забележите, а кои сигнализираатна можни проблеми се:
- Болка при уринирање
- Појава на траги од крв во урината
- Ретко уринирање
- Будење во текот на ноќта и по неколку пати за уринирање
- МАЧНИНА И ПОВРАЌАЊЕ
Мачнината укажува на тоа дека бубрезите не ги исфрлаат сите штетни материи од организмот како што би требало. Тогаш телото пронаоѓа начини да ги исфрли токсините и тоа често со повраќање.
- НАГЛАСЕН ЗАМОР
На секого може да му се случи да е уморен, нерасположен и покрај доволната количина на сон. Но, заморот понекогаш може да биде причинет и од недостаток на еритропоетин, хормон кој се лачи во бубрезите.
- ОСИП КОЈ ЧЕША
Кога штетните материи низ урината не се исфрлаат како што треба, и кога се задржуваат во организмот, тоа може да резултира со промени кои ќе бидат видливи на површината на кожата. Оваа појава може да биде еден од првите знаци за узбуна кога е во прашање здравјето на бубрезите.
