Многумина премногу ги слушаат сигналите на телото и почесто од што е потребно го контролираат здравјето, додека други одат во сосема спротивна крајност и ги игнорираат и оние симптоми кои, предупредуваат лекарите, никако не би требало да се занемаруваат. Иако повеќето симптоми кои ги чувствуваме не се причина за гружа, некои никако не треба да ги игнорираме.
Доктор Евелин Левин неодамна направила листа на „секојдневни“ симптоми и објаснила дека и тие може да бидат знак за сериозни медицински состојби:
Болка во стомакот
Иако болката во стомакот главно е безопасна, ненадејната абдоминална болка е знак дека мора да појдете на лекар. Многу ситуации можат да ја предизвикаат оваа болка – опстипација, пукање на циста на јајникот или оштетена аорта.
Недостаток на воздух
Ако останете без здив без никаква причина, тоа може да сугерира на белодробна емболија. Исто така, може да е знак за астма, пневмонија или паничен напад.
Ненадејна главоболка
За многумина главоболката е секојдневен дел од животот, а нејзината силина варира од обична главоболка до мигрена. Меѓутоа секоја ненадејна болка бара лекарско внимание. Ако се појави ненадејно и е со многу силен интензитет (морничаво силен), тоа може да укажува на крвавење околу мозокот кое бара моментална хоспитализација.
Постојана жед
Ако се „фатите“ дека пиете премногу вода во текот на денот тогаш би требало да закажете преглед. Полидипсијата е еден од првите симптоми на дијабетес. Кога нивото на шеќер во крвта е превисоко, телото ги тера бубрезите да произведуваат премногу урина за да се реши од вишокот глуоза, а тоа доведува до голема жед и често мокрење.
Болка во рамената, вилицата, вратот и грбот
Ова е најчест симптом на срцев удар, но причината за појавата може да биде и сосема незначајна, на пример, истегнување на мускул. Ако е поврзана со срцев удар, болката обично е во комбинација со малаксаност, кашлица и повраќање. После тоа личноста почнува да ја облева студена пот и да ја фаќа несвестица. Кој било од овие симптоми во комбинација е јасен знак дека итно морате да појдете на лекар.
