Слушањето музика за време на возењето може да делува како вистинска антистрес терапија. Доволно е само да ја изберете омилената компилација или песна и веднаш ќе забележите дека се намалува непријатното чувство, без разлика на причината што го предизвикала.
При едно неодамнешно истражување се покажало дека поголем дел од возачите потврдиле дека за да го намалат стресот поради самиот чин на возење, слушале класична музика и тоа не само што ги релаксирало, туку и не го доживувале патувањето толку страшно.
Интересно е дека за најдобра музика за мирно возење се смета дека е онаа чии тактови се слични со отчукувањето на срцето. Ако сте вознемирени, избегнувајте да слушате музика која уште толку ќе ви го „расипе“ расположението, а не слушајте ни песни со „агресивен“ ритам.
И она што е можеби и најважно – не слушајте прегласна музика – ем може да ви го оштети слухот ем нема да ги регистрирате звуците околу вас, а тоа знае да биде прилично опасно во сообраќајот.
