Слузта во вашиот нос има многу функции. Нејзината боја може и вам и на вашиот лекар да ви каже многу за тоа што се случува во вашето тело – особено подолго време е со невообичаена нијанса.
Треба да знаете дека бојата на исцедокот од нос не е доволна за директно да се дијагностицира нешто, но нуди уникатен увид во чудните начини на кои тело сигнализира дека нешто не е во ред.
- Чиста слуз значи дека се е во ред
Проѕирната слуз е сосема нормална. Телото природно произведува многу слуз. Секретите се мешавина од заштитни протеини и сол и вода. Ги одржуваат вашите носни патишта влажни и “подмачкани“ и ги чисти од микроби делувајќи како навлажнувачка бариера против дехидрација и туѓи тела, вклучувајќи бактерии и вируси.
Сè што вдишувате може да се заглави на слузта, која делува како хартија што фаќа муви и други инсекти. Малите влакна во носот ја туркаат слузта низ грлото надолу во желудникот, каде што желудочната киселина може да ги раствори сите натрапници. Но, не се наоѓа само во носот. Овој гел ја покрива секоја влажна површина на вашето тело, вклучувајќи го и носот, но и белите дробови, синусите, устата, желудникот, цревата, па дури и очите.
Ако имате малку проѕирна слуз во носот, не треба да се грижите. Меѓутоа, ако количината драстично се зголеми, тоа може да значи дека сте алергични или дека сте на почеток на настинка или грип.
- Белата слуз значи дека инфекцијата може да е во тек
Белата слуз може да значи многу различни нешта. Најчесто значи дека вашите носни патишра или премини се надразнети и отечени, што го ограничува протокот на слуз и предизвикува нејзино сушење. Може да биде резултат и на назална инфекција, алергија или дехидрација.
Додека имуните клетки се борат против се што го иритира носот, тие ослободуваат молекули кои и даваат на слузта заматена текстура. Во оваа фаза може многу да ви тече носот и ова е фаза кога сте веројатно најзаразни.
- Жолтата слуз значи дека веројатно се борите со инфекција
Кога имате инфекција, белите крвни зрнца на вашиот имун систем брзаат на местото на настанот за да се борат против микробниот напаѓач, без разлика дали се работи за бактерија или вирус, и да го уништат. Откако ќе ја завршат својата работа и ќе умрат, белите крвни зрнца се испираат од вашето тело заедно со вашата слуз и може да ја пожолтат во процесот.
Жолтата слуз не значи дека ви требаат антибиотици – телото постојано се соочува со инфекции и многу добро се бори против нив.
Инфекцијата може да биде предизвикана и од вирус, во тој случај антибиотиците се бескорисни. Кога ќе дојде до ова, почекајте и видете дали работите ќе се подобрат во следната недела.
- И зелената слуз значи дека веројатно се борите со инфекција
Вашата слуз може да стане зелена поради голема акумулација на мртви бели клетки. Ако вашата слуз е зелена неколку недели или подолго, треба да посетите лекар, особено ако имате треска или се чувствувате лошо.
- Розовата или црвената слуз значи дека имате крв во носот
Црвената или розовата слуз значи дека имате малку крв во носот. Ова е резултат на голем број работи, вклучувајќи алергии, инфекции и многу дување или триење. И ударот може да направи слузта од вашиот нос да има траги од крв некое време.
Освен тоа, розовата или црвената слуз може да значи и дека воздухот што го дишете е многу сув.
- Кафеавата слуз може да е исушена крв или сте вдишиле нечистотија
Кога крвта од носната слузница се суши, може да се измеша со слузта и да добие кафена боја. Но, кафеавата слуз не е секогаш поради крв. Тоа може да биде предизвикано и од нечистотија, прашина, промена на бојата од чад од цигари или зачини.
Меѓутоа, ако искашлувате кафеава слуз, треба да посетите лекар бидејќи тоа може да биде знак за бронхитис.
- Црната слуз обично е резултат на пушење
Црната слуз е најчеста кај тешките пушачи, особено ако имаат белодробни заболувања. Исто така, може да биде резултат на вдишување нечистотија или прашина, или после пушење цигари или марихуана.
Но, исто така може да сигнализира сериозна габична инфекција, особено ако имате ослабен имун систем.
Ако слузта ви е црна без причина, треба да посетите лекар, особено ако имате и треска или отежнато дишење.
