Факт е дека децата се смеат повеќе и почесто од возрасните луѓе, па така просечно четиригодишно дете се смее и до 300 пати во текот на еден ден, а возрасен човек само 4 пати. Се разбира, сето зависи од многу фактори во животот на една личност, но едноставно, сакале или не, како што растеме така стануваме посериозни, но, исто така, и многу работи кои некогаш ни биле смешни одеднаш престануваат да бидат нешто што ќе ни измами насмевка.
Гласното смеење го ослободува организмот од напнатост
Причините заради кои престануваме да се смееме во текот на животот се различни, Нема ништо лошо во тоа што се едуцираме и созреваме, но кога е смеењето во прашање би требало малку и да се загрижиме.
Имено, докажано е дека гласното и отворено смеење ослободува од стрес. Го ослободува нашиот организам од некои штетни и лоши продукти на метаболизмот кои во текот на деновите или месеците се собираат во нашиот организам.
