Смоквата е сезонско овошје кое најмногу расте на Медитеранот, во лето и рана есен. Однадвор е кафеавa или зеленa, додека одвнатре е розова и има сладок вкус. Може да се јаде свежа, суав или во разни џемови, десерти или колачи.
Смоквите најмногу се состојат од вода, а се богати и со јаглехидрати, витамини и минерали.
ШТО СОДРЖИ СМОКВАТА?
Смоквата расте на дрво високо од еден до 12 метри, а може да се препознае по специфичниот изглед на листовите. Постојат неколку различни видови на ова овошје, кои исто така се разликуваат по изглед.
Свежата смоква е богата со многу хранливи материи, а една смоква содржи околу 30 калории и природни шеќери, јаглехидрати, а содржи и магнезиум, бакар, калиум, витамин Б6 и витамин К.
Сувата смоква содржи повеќе шеќери, калории и влакна поради процесот на сушење.
ЗОШТО СЕ ДОБРИ СМОКВИТЕ?
Смолвите имаат неколку придобивки, со оглед на бројните состојки што ги содржат.
- Ублажување на дигестивни проблеми
Поради влакната што ги содржат, смоквите се најкорисни за дигестивни проблеми, како што се дијареа и запек. Содржат и добри бактерии кои поволно делуваат на бактериите во цревата, а со тоа и на варењето.
- Богати се со антиоксиданти
Смоквите содржат полифеноли кои имаат силни антиоксидантни својства и ги штитат клетките во телото од пропаѓање.
- Го контролираат крвниот притисок
Поради прекумерното внесување на сол во организмот, кој е скриен во многу купечки намирници, доаѓа до недостиг на калиум и зголемен крвен притисок. Смоквата содржи доволно количество калиум и затоа е одличен сојузник во контролирањето на нормалното ниво на крвен притисок.
Ги ублажуваат кожните проблеми
Млекото што излегува од стеблото на смоквата е всушност природен латекс и може да се нанесе на вирусни брадавици и да ги уништи со текот на времето.
Сепак, сите овие придобивки треба дополнително да се истражат бидејќи не се спроведени доволно истражувања на доволен број луѓе.
Може ли консумирањето смокви да биде опасно?
Ако се консумираат премногу смокви дневно, може да се внесат вишок калории и шеќер и може да дојде до зголемување на телесната тежина. Исто така, некои луѓе ќе бидат алергични на смокви, најчесто оние кои исто така се алергични на полен од бреза. Природниот латекс од дрвото, исто така, на некои луѓе може да им пречи.
Освен тоа, поради високите количини на витамин К, луѓето кои земаат лекови за разредување на крвта треба да бидат внимателни со консумирањето на ова овошје. Јадењето премногу суви смокви може да предизвика дијареа.
