Смоквата е овошје кое е достапно во текот на целата година, но во сушена форма, додека свежа и сурова може да се консумира само во летните месеци. Ова исклучително здраво овошје потекнува од Азија и тоа од фамилијата на дудинките. Смоквите го поттикнуваат здравјето на целиот организам, а стручњаците сметаат дека можат да решат бројни здравствени проблеми.
Често се користи како замена за шеќер, а концентратот во смоквите може да ги замени пченкарниот сируп и сахарозата. Се користат за приготвување на пудинзи, колачи, пекарски производи, џемови, желеа и компоти. Смоквите изобилуваат со витамини и минерали од кои најзастапени се: витамин А, Ц, К, Б, калиум, магнезиум, цинк, бакар, манган, железо.
Смоквите често се користат за лекување на чиреви, апсцеси и болки во ушите. Поради своето алкално својство, успешно ја регулираат киселоста на телото. Богати се со флавоноиди и полифеноли, антиоксиданти кои ги спречуваат оштетувањата предизвикани од слободните радикали.
Смоквите помагаат и при слабеење, бидејќи се богати со влакна и го намалуваат апетитот, а во комбинација со млеко пак, го поттикнуваат. Се користат за решавање на респираторни проблеми, бидејќи лисјата од смокви ги превенираат и ги ублажуваат симптомите на астма. Исто така, тие го штитат видот од последиците од макуларна дегенерација, помагаат при еректилна дисфункција и ја будат сексуалноста, особено кај мажите, спречуваат рак на дебело црево, ја регулираат столицата, ги јакнат коските и го спречуваат губењето на калциум, добри се за дијабетес затоа што калиумот од смоквите ја регулира апсорпцијата на шеќерот, а ги снижуваат и холестеролот и високиот крвен притисок и го штитат срцето од разни болести.
100 г сушени смокви содржат:
- 249 калории
- 3,3 г протеини
- 0,9 г масти
- 69 г јагленохидрати
- 5,6 г влакна
100 г свежи смокви содржат:
- 80 калории
- 1,3 г протеини
- 0,3 г масти
- 20,3 г јаглехидрати
- 2,2 г влакна
