Смртноста од меланом, малигнен тумор на кожата, кај мажите е во пораст во повеќе земји, додека кај жените е стабилна или е во опаѓање, укажува една студија која анализирала податоци од Светската здравствена организација од 33 земји.
Најголема смртност од меланом е забележана во Австралија (5,72 починати од меланом на 100.000 мажи и 2,53 починати од меланом на 100.000 жени) и во Словенија (3,86 починати од меланом на 100.000 мажи и 2,58 починати од меланом на 100.000 жени).
Јапонија имала најниска стапка на смртност од меланом (0,24 на 100.000 мажи и 0,18 на 100.000 жени).
Од наведените податоци може да се заклучи дека мажите помалку се штитат од штеното делување на сонцето, како и дека свеста за опасноста од меланом кај нив е пониска. Главната причина за ризик од меланом е претераното изложување на ултравиолетовите (УВ) зрачење, било од сонце или користење солариум.
И покрај настојувањата на јавното здравство да ја промовираат свеста за опасности од меланом и да поттикнат паметно однесување, инциденцата на меланом расте во последните децении.
