СМРТОНОСЕН КОРОНАВИРУС: Ни по шест месеци некои работи не се јасни: Зошто едни се поболни од други, стига ли нов бран на зараза, која е улогата на децата во ширење на вирусот…

Многу нешта околу пандемијата предизвикана од новиот коронавирус остануваат непознати, но сепак некои работи со кои се соочувавме последнава половина година, сега се многу појасни.

Откако се појави, слушнавме многу теории, но и натаму не знаеме кога новиот коронавирус навистина почна да инфицира луѓе. Но, јасно е дека SRAS-CoV-2 е меѓу нас сигурно веќе најмалку шест месеци.

Во почетокот немаше ниту име, ниту вистински идентитет. На почетокот на јануари, вестите зборуваат за чудни и заканувачки симптоми кои нападнале дестици лица во големиот кинески град, за кој многумина дотгаш и немаа слушнато. Половина година подоцна, Вухан е попознат од Шангај и Пекинг, токму како и коронавирусот и болеста што ја предизвикува КОВИД-19.

Весникот Њујорк Тајмс, за цело ова време педантно ја бележи секоја нова вест, сложувајќи ги мозаикот од кој денес, шест месеци подоцна, може да се исчита многу за пандемијата предизвикана од новиот коронавирус. Иако многу нешта останаа непознати, во некои работи не треба да се сомнева. Ова се некои од тие сознанија.

Иновирањето и производството на лек или вакцина не се лесна работа и многу чинат.

ФАКТИ ЗА КОИ СЕ ДРЖИМЕ ЗДРАВО ЗА ГОТОВО

  • Ќе мораме уште долго да живееме со вирусот и со сето она што тој го носи со себе.
  • Кога излегуваме на места на кои има многу луѓе, треба да носиме маска.
  • Јавната здравствена заштита во многу земји е доведена на раб на пукање и треба да се обнови од темел.
  • Битката со вирусот чини многу.
  • Пред нас е уште долг пат додека не се пронајде квалитетен начин на тестирање на вирусот.
  • Не може да сметаме на колективен имунитет кој ќе не одржи здрави.
  • Вирусот предизвикува повеќе симптоми отколку што се очекуваше.
  • Не треба да креваме паника дека ќе се заразиме со допирање на површини. Не мора да стравуваме дека вирусот драматично ќе мутира.
  • Не може да сметаме да тоа дека тополото време ќе го убие вирусот.
Се уште не се знае од каде всушност е дојден вирусот и е проширен во светот.

НЕКОИ РАБОТИ НИ ДЕНЕС НЕ СЕ ЈАСНИ

Ова се некои од клучните теми во кои научниците и експертите од јавното здравство се уште немаат целосен увид. И натаму постојат големи празнини во научните сознанија за вирусот. Што уште не знаеме:

  • Колку воопшто луѓе се заразени во одделни земји и глобално?
  • Колкава количина вирус е потребно да внесеме во себе за да се разболиме?
  • Зошто некои луѓе се многу поболни од други?
  • Каква е улогата на децата во ширење на вирусот?
  • Каде и кога новиот коронавирус всушност се појави и почна да се шири во светот?
  • Колку долго се останува имум по инфекцијата?

Како научниците ќе решат некои од овие мистерии, ќе ја обликува нашата иднина во соживот со коронавирусот.

ПОВРЗАНИ НАПИСИПОВЕЌЕ ОД АВТОРОТ