Карцином на уста или усна шуплина најчесто се јавува после 40-тата година. Овој вид на рак може да се јави во кој било дел од усната шуплина, на јазикот, непцето, усните, во внатрешноста на вилицата, на крајниците или плунковните жлезди.
Во рана фаза од болеста обично нема јасни симптоми, а експертите истакнуваат дека со редовно одење на забар може да се открие болеста на самиот почеток.
Симптомите кои укажуваат на карцином на усната шуплина се:
- Дамки во устата или на јазикот (бели или црвени);
- Рана во устата;
- Оток кој не се повлекува и после три до четири седмици;
- Израстоци и задебелувања во устата;
- Болка при голтање;
- Испаѓање на заби без јасна причина;
- Болка во вилицата;
- Рани на крајниците;
- Чувство дека имате нешто во грлото, мутирање на гласот и болка во вратот и увото.
Од оваа болест најпогодени се пушачите и лицата кои често пијат алкохол, кои имаат зголемен ризик од над 30 % во однос на лицата кои ги одбегнуваат овие лоши навики.
Исто така, карциномот на уста честопати е предизвикан и поради изложеност на штетните УВ зраци (сонце, солариум), претерано консумирање на црвено месо и месни преработки, гастроезофагеална рефлуксна болест (враќање на содржината од желудникот), хуман папилома вирус и изложеност на радиотерапија.
