Ова смути се подготвува многу лесно, а има неверојатен ефект за смирување на состојбата при гихт, болки во мускулите, остеоартритис и ревматоиден артритис,
Вишните се богати со витамин А, Ц, Е и фолна киселина, минералите: калиум, магнезиум, железо и влакна. Силните противвоспалителни својства во вишната ја прават корисна за смирување на болки кај гихтот и воспаление на мускулите, остеоартритис и ревматоиден артритис. Истражувањата потврдиле дека 20 вишни на ден или концентрат со таа количина на вишни имаат ист ефект на осободување од болка како и ацетилсалицилната киселина. Вишните изобилуваат со фенолни соединенија – силни антиоксиданти кои штитат од невродегенеративни пореметувања како губење на помнењето, сенилна деменција и Алцхајмерова болест. Вишните го хранат и го штитат мозокот, го намалуваат ризикот од дијабетес, помагаат при бубрежни пречки, погодни се за системот за варење и го потпомагаат слабеењето.
Лешниците се богати со протеини и витамини од групата Б, особено Б 6 и Б1. Тие се важни за мускулната маса, енергијата, за јакнење на концентрацијата и целокупниот нервен систем. Лешникот има и витимин А, кој поволно делува на кожата, косата, ги јакне забите и го подобрува имунитетот. Витаминот Е ја одржува виталноста на кожата и поволно влијае на крвните садови, па со самото тоа го чува и срцето. Содржи и омега 3 и омега 6 масни киселини кои ја оддржуваат виталноста на организмот, а извор е и на минерали како магнезиум, фосфор, цинк, бакар, железо и калциум. Ако лешникот редовно се консумира може да го намали крвниот притисок, а добар е и како антиоксидант.
Лешникот во енергетска смисла е исклучително вредна намирница, па им се препорачува на спортистите и младите луѓе, а за постарите е особено корисен како превентивна од срцев удар и за одржување на виталноста.
Состојки: 3 раце замрзнати вишни, ½ банана, 1 лажичка цимет, 1 портокал, 6 лажички мелени лешници, 100мл бадемово млеко
Подготовка: Иситнете во овошјето во блендер и додадете цимет. Кога смесата ќе стане хомогена додадете ги мелените лешници и млекото. Продолжете со мешање се додека не стане смесата изедначена.
