Со нов метод на анализа на снимките направени на компјутеризираната томографија (КТ) можно е да се предвиди на кои пациенти им се заканува срцев удар и тоа со години пред да се случи, објавија научниците од Универзитетот Оксфорд.
Технологијата научниците од Оксфорд ја развиле во соработка со установи во Германија и во САД, користејќи алгоритми како би ги проучиле мастите насобрани околу коронарните артерии прикажани на снимки на срцето направени со компјутерска томографија.
Мастите се менуваат кога артеријата ќе се воспали и тоа може да служи како систем за рано предупредување во 30 % од случаите на срцев удар.
„Ако можете да индентификувате воспаление на артериите на срцето, тогаш ќе можете да кажете која артерија ќе предизвика срцев напад“, вели оксфордскиот професор Чараламбос Антониадес. Со новата технологија тоа е можно доколку се анализираат КТ снимките. Така, лекарите ќе можат да предвидат на кои артериите им се заканува стеснување.
