Луѓето различно реагираат на стрес. И додека едни од стрес не можат да отворат уста, други во ваква ситуација јадат се што ќе им дојде до рака. На стресот се особено изложени жените кои секојдневно се соочуваат со недостаток на време, многу обврски на работа и дома. Па затоа нутриционистите предлагаат кои намирници е добро да се консумираат кога сте под стрес.
Стресот е всушност аларм со кој телото не предупредува на опасност. Крвниот притисок скока, хормоните се во дисбаланс, мускулите се грчат, а енергијата се ослободува бескорисно. Калциумот се транспортира во клетките кои подоцна за возврат даваат магнезиум. На тој начин доаѓа до недостаток на минерали и телото е исцрпено. Освен тоа во кризни ситуации организмот троши многу белковини и количеството на витамини исклучително опаѓа.
Богат извор на витамини и минерали се овошјето, интегралните производи и месото од живина. Бананите, урмите и смоквите се идеална ужина за оние луѓе кои се исклучително подложни на стрес. Масната храна, освен масната морска риба која содржи омега-3 киселини, не е препорачлива затоа што го зголемува стресот. Не би требало да консумирате премногу кафе, затоа што на организмот му го одземате магнезиумот и го зголемувате нивото на хормонот на стрес. Јаболката се вистински пријатели во кризни ситуации. Го зголемуваат витаминскиот дефицит, не снабдуваат со антистрес материи како витаминот Ц, Е, Б1, Б6 и селен. Освен тоа, фолната киселина која ја содржат помага во размената на материи во организмот. Цитрусите се богати со ароматична материја линалол, која ја намалува активност на повеќе од сто гени, кои се хиперактивни при стрес. Затоа навалете на лимон и портокали. Боранијата е исклучително богата со магнезиум – антистрес минерал, а обилува со витамин Б5. После 16:00 часот телото спремно го прифаќа, затоа за вечера подгответе салата од боранија!
