Со исхрана против депресија!

Авторката на овој режим на исхрана тврди дека посебниот начин на исхрана може да излекува анксиозност, депресија, аутизам и АДХД, како и воспалителни болести на цревата и автоимуни болести.

ГАПС диетата се базира на поврзаноста на здравјето на цревата и цревната флора со севкупното здравје и имунолошката состојба на организмот. Авторката на овој режим на исхрана тврди дека посебниот начин на исхрана може да излекува анксиозност, депресија, аутизам и АДХД, како и воспалителни болести на цревата и автоимуни болести.

Докторката Наташа Кампбел-Мекбрајд, специјалист за неврологија и нутриционизам, ја напишала книгата „ГАПС Цревно психолошки синдром“. Книгата, односно самиот режим на исхрана кој го опишува во многу земји станал познат како ГАПС диета. Се применува во фази, од воведната ГАПС диета која елиминира голем број намирници, преку постепеното враќање на намирниците, па се до потполна ГАПС диета која е мошне слична на палео и ЛЦХФ начинот на исхрана.

Диетата се состои од шест фази. ГАПС диетата би требало благотворно да делува на цревата, а помага и во спречувањето и санирањето на потешкотиите во учењето, пореметувањата на исхраната и психијатриските состојби – вклучително и биполарно пореметување и шизофренија.

Првата и најрестриктивната фаза од исхраната ограничува на консумирање само на домашно месо и риба. Може да се консумира пробиотска храна, како што е домашна кисела зелка, ферментиран зеленчук и домашен јогурт или кефир (под услов да нема несакани реакции на млечни производи). Чајот од ѓумбир или камилица со малку мед, исто така, може да се консумира меѓу оброците.

Следните пет фази овозможуваат додавање на повеќе намирници со акцент на нескробниот зеленчук, јајца (свежи или слабо варени), месо, риба и здрави масти, вклучително и јаткасти плодови, авокадо и ладно цедено маслиново масло. На сите кои ќе се решат за оваа диета им се советува да го следат овој план на исхрана најмалку две години што значи дека во тој период потполно се одбегнува рафинираниот шеќер и скроб, вклучително и житарки, компир и се што содржат тие намирници. Дозволени се умерени количества овошни плодови, како и мед.

Се на се, исхраната се состои од јаткасти плодови, зеленчук без скроб, плодови од морето, органско месо, домашни сирења, непастеризирани млечни производи добиени од крави кои се хранат со природна исхрана (трева), јајца од органско производство; неколку вида мешунки и ладно цедено масло. Дозволено е и овошје во умерени количества, како и билки, зачини, морска сол, јаболков оцет, растителни чаеви и повремено вино. Исто така, се препорачуваат и додатоци во исхраната, а во склоп на диетата поставени се и правила како и кога да се јаде, односно да се одбегнуваат месо и овошје заедно, како и невнесување на ферментирана храна со секој оброк.