За благотворното дејство на камилицата врз здравјето се пишувало и зборувало многу, но добро е да се знае дека оваа билка помага и при болки во стомакот и напнатост. Исто така, може многу да помогне и при симптомите на предменструалниот синдром – ПМС.
Чајот од камилица го намалува грчењето на мускулите и ја ублажува вознемиреноста и наглите промени во расположението, кои може да се јават како резултат на хормоналните промени со кои се соочуваат жените во деновите пред менструацијата.
Шолја топол чај од камилица е добра замена и за кафе, со оглед на тоа дека не содржи кофеин за кој се покажало дека може да ги засили симптомите на ПМС, како што се чувствителност на градите и иритабилност.
Чајот од камилица, исто така, ги ублажува менструалните болки, смирува и го подобрува сонот.
Освен камилицата постои уште една билка за која се смета дека би можела да ги ублажи симптомите на ПМС, а тоа е маточината.
