Коријанедер (Coriandrum sativum) или кинески магдонос е растение со ароматично и шупливо стебло. Содржи етерични масла, протеини, шеќер и витамин А и Ц, минерали како што се железото и калиум. Познато е дека го смирува надразнетиот желудник и помага во варење на храната.
Сувиот коријандер лекува пролив. Семките на оваа билка ублажуваат и прекумерно крварење за време на месечниот циклус. За да подготвите лековит чај провријте шест грама семки од коријандер во половина литар вода. На крајот додадете шеќер и пијте го топол.
Освен тоа, коријандерот е одличен за ублажување на изгореници бидејќи ја намалува болката и отекувањето.
Ако барате идеален лек за ублажување на мачнини, една или две лажички коријандер многу ќе ви помогнат.
Оваа лековита билка помага и кај лицата со артритис, бидејќи има бројни антивоспалителни својства. Тој го намалува нивото на шеќер во крвта и го стимулира лачењето на инсулинот. Помага за добро здравје на срцето, го намалува лошиот, а го зголемува нивото на добриот холестерол.
Одличен е и за кожата, особено ако сокот добиен од коријандер се измеша со куркума во прав. На тој начин се лекуваат сите несакани промени на кожата.
