Едноставните шеќери ако се јадат во поголеми количества создаваат таканаречен магичен круг. Имено, тие брзо доаѓаат во крвототокот, па и брзо достигнуваат голема концентрација. После брзиот раст следува и брз пад заради што организмот испраќа сигнали дека сака нова доза шеќер. За разбивање на тој магичен круг се препорачува да се внесуваат следните намирници кои и покрај тоа што содржат шеќери, можат да се пофалат и со некои други корисни и за организмот потребни нутритиенти.
Јаболкa
Една од најдобрите намирници кои помагаат да се задоволи желбата за слатко се јаболката. Содржат изобилство од растворливи влакна за поголема ситост, долго се џвакаат, па заради тоа организмот испраќа сигнали за ситост, а и слатки се. Ако чувствувате глад откако ќе изедете јаболко, следниот пат заедно со него изедете и парче сирење.
Пченка
Пченката е природно слатка и може да ја задоволи желбата за благо. Освен тоа содржи и витамини, минерали и влакна, па е подобра опција за задоволување на желбата за слатко од готовите кекси.
Батат
Бататот е сладок и може да се користи како во солените така и во слатките јадења. Во организмот придонесува и со удел од бета каротен и многу други витамини и минерали. Пробајте батат во колач со цимет, ова дефинитивно ќе ве воодушеви. Циметот, исто така, е одличен сојузник во борбата против желбата за слатко затоа што го спречува напливот на шеќер во крвта.
Домати
Доматите можат да помогнат во борбата против желбата за слатка храна заради тоа што содржат серотонин. Одредени истражувања покажале дека ниското ниво на серотонин е виновник за зголемената желба за слатка храна. Серотонинот е невротрансмитер кој му кажува на мозокот дека потребите за шеќер се задоволени.
