Многумина имаат проблем со несоницата поради се поголемиот стрес во секојдневниот живот, но со мали промени може да се подобри ситуацијата. Вашите очи се затворени, но умот трча низ различни пописи за утре или низ случувања кои се зад вас. Не сте сигурни дали минала минута или еден час. Станувате очајни оти знаете дека се ближи моментот кога ќе треба да станете од кревет.
Несоницата не е шега – било да е хронична или повремена, недоволно квалитетен сон навечер може да влијае на квалитетот на вашата работа, здравје и баланс.
Д-р Раул Џандиал, неврохирург и научник има неколку совети за надминување на ваквата ситуација.
Распоред на спиење
Будење во исто време за време на целата седмица, но и преку викенд и на одмор може да помогне за добар ритам на спиење. Тоа ќе помогне да останете во ритмот кој го поставува внатрешниот часовник за спиење.
Избегнувајте кофеин во попладневните или вечерните часови
Кофеинот може да остане во организмот 10 до 12 часа, па раното попладне е најдоброто време за престанок на внесот на кофеин.
Најдобро станете од кревет, ако не заспиете за 20 минути
Тоа е разумна препорака. Дефинитивно не е добро да се вртите неодредено време. Кога ќе станете направете нешто за опуштање и светлата нека бидат придушени.
Креветот е место за спиење
Иако звучи строго, ова е добар принцип. Ако се борите со несоница, добро е да се избегнува гледање телевизија и читање, поради изложеноста на светлина.
Без електоронски направи 30 минути пред спиење
Ова е најтешка препорака која треба да се следи. Но, ќе ви помогне полесно да заспиете, па избегнувајте дополнителни дистракции и светлина од уреди.
