Доктор Ендру Веил од Медицинскиот институт во Аризона вели: „Ако денес може да бидете свесни за своето дишење барем 10 секунди подолго од обично, ќе направите многу значаен чекор за проширување на свеста, подлабока и подобра комуникација меѓу телото и мозокот и интеграција на вашите физички, ментални и духовни функции„.
Како да се подготвите за вежбите за дишење?
Најдобро е тивко место каде нема да ве попречува поминување на луѓе, телефони… Одберете удобна столица и седнете исправено. Положбата на главата да ви биде удобна. Очите или затворете ги или држете ги полуотворени.
Овие вежби треба да се практикуваат секојдневно. Не е важно во кое време од денот ги правите вежбите, се додека сте сигурни дека во тоа време нема да ви пречи никој. Зададете си задача секој ден во исто време неколку минути да вежбате техники на дишење. Должината на вежбите не е толку важна, колку што е важно правилно да ги изработувате вежбите. Дури и со само 10-15 минути дневно ќе имате значајно подобрување.
Речиси низ сите вежби јазикот треба да биде во т.н. „јога„ позиција, односно со врвот на јазикот допрете ја позадината на предните горни заби и потргнете го само малку нагоре додека не почуствувате дека мал дел од јазикот ја допира и внатрешната страна на непцето.
Филозофијата на јога е дека постојат две нервни струи во телото од различен поларитет и тие почнуваат и завршуваат во овие точки. Кога ќе ги споите двете точки со јазикот, се тврди дека го комплетирате и затоврате полето кое ја задржува енергијата на дишење внатре во телото, наместо да ја исфрламе надвор.
