Циметот е одличен извор на бакар, цинк, манган и железо и е богат со витамини Ц и К. Ако редовно го користите во вашата исхрана во текот на есента ќе ја зголемите отпорноста на вашиот организам.
Во случај на настинка (но и доколку сакате да го изгубите вишокот на килограми), направете го следниот пијалак. Загрејте половина литар вода и додадете стапче цимет (или една мала лажичка) и неколку каранфилчиња, па варете уште неколку минути. Додадете лимон и мед, па пијте по пола шолја на секои четири часа во текот на денот.
Оваа комбинација успешно го регулира нивото на шеќер во крвта, го забрзува метаболизмот и влијае на намалувањето на вишокот килограми. Таа е одлична и за време на вежбање, бидејќи обезбедува рамномерен доток на енергија за подолго време, дава сила и ја намалува мускулната болка и напнатост.
