Бавењето со спорт има повеќекратно позитивно дејство затоа што стимулира наизменично затегнување и истегнување на мускулите и истовремено поттикнува циркулација. Но пред да почнете да се бавите со спорт, обавезно консултирајте се со лекар, се разбира, ако имате сериозни здравствени проблеми.
Одење, пилатес и пливање се победничко трио. Најдобро е да одите по рамна подлога, трева или песочен терен, или терен со блага нагорнина за да можете повеќе да се потпирате на петата и да ги зајакнете мускулите на листовите.
Од друга страна, пилатес вежбите ги зајакнуваат мускулите на нозете, а со правилно дишење за време на изведувањето на вежбите го поттикнувате движењето на крвта кон срцето.
И пливањето, исто така, може да биде мошне корисно. Имено, отпорот на водата делува како хидромасажа и го поттикнува дренирањето на лимфните жлезди.
Возењето велосипед и вежбањето на „степер“ се подеднакво делотворни. Додека возите велосипед го стимулирате протокот на крв низ вените, но обидете се да го подесите седиштето така што петицата ќе ви биде што е можно поистегната кон телото кога ја вртите педалата.
И „степерот“ е мошне корисен за личностите кои имаат проблем со циркулацијата затоа што додека вежбате на него изведувате движења со нозете со големи амплитуди кои спречуваат задржување на крвта во нивото на зглобовите.
