Треба ли редовно да консумираме соја или не? Во светот постои голем интерес за сојата, не заради тоа што за неа се зборува дека може да биде замена за месото, туку и заради тоа што е богат извор на растителни влакна кои многу недостасуваат во исхраната на современиот човек.
Главната карактеристика на соиното зрно и она што ја одделува од другите мешунки е високата содржина на протеини. Сојата содржи седум аминокиселини без кои организмот не може да преживее.
Соините протеини се целосно идентични со животинските протеини. Што се однесува до мастите, сојата сериозно ги надминува мастите од животинско потекло. Од јаглехидрати содржи полисахариден декстрин кој игра главна улога во исхраната на дијабетичарите, бидејќи не дозволува ненадејно зголемување на шеќерот во крвта. Сојата не содржи холестерол и речиси никакви заситени масни киселини. Тоа е одличен извор на лецитин и витамини Е. Сојата е богата со магнезиум, кој игра важна улога во функционирањето на коските, срцето и артериите.
Симптомите кои жените ги чувствуваат во менопауза се предизвикани од ниското ниво на естроген, а естрогенот игра важна улога во контролирањето на телесната температура. Изофлавоните на сојата дејствуваат како естроген и на тој начин ги контролираат овие симптоми. Сојата го намалува и ризикот од срцеви заболувања и рак. Од друга страна здравата исхрана значи умереност и рамнотежа. Така, за сојата важи истото правило како и за секоја друга храна, не треба да се јаде во неограничени количини, затоа што во тој случај можете да направите повеќе штета отколку добро.
Неферментирана соја содржи фитонска киселина, па прекумерната консумација може да ја намали способноста на организмот за апсорпција на минерали. Доколку два до три пати неделно сојата се внесе на вашето мени, е сосема доволно. Изберете соја со добар квалитет и од органско потекло, ќе имате голема корист и никакви проблеми.
