Овој крцкав, сочен корен изобилува со витамин Ц, фолна киселина, антоцијанин (црвен пигмент кој е многу моќен антиоксиданс) и минерали.
Ротквицата лесно се суши и ја губи аромата, па користете ја во што посвежа состојба (во супермаркетите ја има во секој период од годината) и сечкајте ја непосредно пред готвење или јадење. Бидејќи има исклучително атрактивна боја, може да се користи и како декорација на јадењата.
Како влијае ротквицата врз нашето здравје?
Ротквицатa е исклучително корисна за црниот дроб и желудникот, одлична е за детоксикација односно за прочистување на крвта. Богата е со јаглехидрати кои помагаат во варењето, го лекуваат запекот и така им помагаат на оние кои страдаат од хемороиди. Лековитите состојки помагаат за заздравување на хемороидите побрзо.
Природниот сок од ротквица го смирува дигестивниот систем. Ротквиците се природен диуретик и со самото тоа го зголемуваат производството на урина. Сокот од ротквица го лекува воспалението и чувството на печење при мокрење. Исто така, ги чисти бубрезите и ги спречува инфекциите на бубрезите и уринарниот тракт.
Ротквицата е исклучително корисна за црниот дроб и желудникот, одлична е за детоксикација односно за прочистување на крвта
Оваа намирница одлично го исполнува желудникот и многу брзо го задоволува гладот. Бидејќи содржи малку калории, идеална е за одржување на килажата и држење диети.
Бидејќи ротквицата изобилува со витамин Ц, фолна киселина и антоцијанини, овој зеленчук помага при многу видови на рак, особено рак на дебелото црево, бубрезите, желудникот и усната шуплина. Сокот од ротквици може да се користи како ефикасен третман за убоди од инсекти како што се пчели, стршени, оси… Лековитата течност ја намалува болката и отокот и ја смирува погодената област.
