Воспалението на мускулите најчесто се врзува за вежбањето, но до него може да дојде и од низа други причини. Без оглед на тоа која е причината, станува збор за реакција на телото на физичка активност за која не сте навикнати, а може да се појави во кој било дел од телото. Иако е непријатна, болката поминува релативно брзо и има бројни начини како да се ублажи – еден е консумирањето сок од цреши.
Овој пијалак има антиоксидантни својства кои ја подобруваат мускулната функција, го забрзуваат закрепнувањето и ја намалуваат болката. Барем вака тврди група американски истражувачи, кои во склоп на студијата набљудувале тим од 54 спортисти кои биле дел од трката Oregon`s Hood to Coast Relay.
Резултатите објавени во списанието Journal of the International Society of Sports Nutrition покажале дека оние тркачи кои една недела пред натпреварот секојдневно пиеле по две чаши сок од цреши чувствувале помалку интензивна болка.
„Тркачите кои пиеја сок од цреша имаа помало воспаление, а нивните мускули побрзо закрепнаа“, објаснила д-р Кери Куел, водач на истражувањето.
Вреди да се проба!
