Лековитите својства на копривата одамна се познати, а сокот и чаевите од коприва се користат како лекови во народната медицина. Поради диуретичките својства тие им помагаат во случаите на прекумерно задржување на течности и во чистење на црниот дроб, а корисни се и против гихт и артритис поради тоа што поттикнуваат излачување на мочната киселина од телото. Консумирањето чај од коприва го намалува нивото на шеќер во крвта, го стимулира дигестивниот систем, помага кај тешка и болна менструација, ги ублажува симптомите на менопаузата, ги намалува алергиските реакции и ја подобрува циркулацијата на крвта низ телото.
Најчесто, сокот од коприва се прави од листовите, но може да се користат и стеблото и корените. Во три грама листови коприва има само една калорија, но затоа ги содржат 87 отсто од препорачаната доза на калциум и 7 отсто витамин Ц.
Сокот од коприва е со темнозелена боја и има силен вкус, поради што се пие во мали количини.
Брз сок од коприва
За да го направите овој сок ви требаат две чашки свежи листови од коприва и една чаша вода. Измешајте ги состојките во блендер без да се разредува со вода по мешањето. Ако сакате, може да се заслади со шеќер или мед.
Сок од коприва со агруми
Потребни состојки: 30 листови од коприва, 2 лимони, 3 портокали, 800 гр шеќер или 8 лажици мед и 3 литри вода
Лимоните и портокалите треба да се исечат на парчиња и заедно со листовите коприва да се стават во вода да отстојат еден ден. Попота се заедно се гмечи и меша до саканата текстура. Пијалокот може да се чува во фрижидер неколку дена.
Сок од коприва и блитва со овошје
Потребни состојки се: 30 листови коприва, 2 листа блитва, 1 зелено јаболко, 1/4 ананас, 1 лимон
Ставете ги сите состојки во блендер и измешајте. Доколку сакате, може да се додаде шеќер или мед, иако тоа не е потребно бидејќи овошјето дава сладост. Наместо блитва, може да се користи спанаќ или зелена салата, а по желба може да се разредува со вода. Блитвата, како копривата е нискокалорична и богата со витамини, минерали, фитонутриенти и диетални влакна кои помагаат во губење на тежината. Овој пијалок, покрај со витаминот Ц, е богат и со железо, магнезиум и калциум. Конзумирајте го свеж во текот на истиот ден.
Несакани ефекти
Ако користите лекови за разредување на крвта, не треба да пиете сок од коприва, бидејќи содржи високо ниво на витамин К, кој влијае на коагулацијата на крвта. Исто така, бидејќи соковите од коприва го намалуваат крвниот притисок, треба да ги избегнувате ако користите лекови кои го намалуваат крвниот притисок, за да се избегне предозирање. Овие сокови го намалуваат и нивото на шеќер во крвта, па затоа треба да внимавате ако користите лекови за дијабетес.
