Наместо кафе, многу е подобро е да се испие чаша сок од портокал, препорачуваат научниците. Освен што покрепува телото, сокот од овој цитрус го намалува и ризикот од деменција за речиси 50 отсто, будејќи благотворно делува на централниот нервен систем, потврдува објавената студија на Универзитетот во Бостон.
Освен витаминот Ц, сокот од портокал содржи и многу други состојки кои го штитат мозокот, открива истражувањето. Студијата, која траела 20 години вклучила 28.000 мажи, а резултатите покажале дека припадниците на посилниот пол кои секој ден пиеле по една мала чаша сок од портокал имале 47 отсто помал ризик за развој на проблеми со меморијата, проблеми со следење на инструкции или проблеми со ориентацијата, кои се главните показатели за намалување на мозочната активност и деменцијата.
Исхраната богата со антиоксиданси кај испитаниците спречла драстична дегенерација на мозокот, која се случува со стареењето на клетките. Во исто време, таа го спречува и таложењето на штетни молекули, но исто така го задржува и потребниот проток на крв во мозокот, подвлекуваат научниците. Нутриционистите препорачуваат дека најдобро е да се консумира свежо цело овошје. Ако сакаме смути или свежо цеден сок, тогаш задолжително да му додадеме малку вода.
