Треба ли да се посолува храната на бебето – е една од дилемите со кои се соочуваат мајките. Одговорот е едноставен и не остава место за размислување: во детската храна нема потреба да се додава сол. Бебето нема потреба од сол, неговиот организам е осетлив, а бубрезите не му се целосно развиени.
СОЛ
* Во првите шест месеци на бебето му е доволно помалку од еден грам сол, кој го добива преку мајчиното млеко, а помеѓу 7-от и 12-тиот месец еден грам сол на ден ги задоволува потребите на сите деца.
* Деца на возраст од една до три години немаат потреба од повеќе од два грама сол на ден.
* Избегнувајте ги намирниците во кои има скриена сол: супи од ќесичка, пици, сувомеснати производи, сирења, грицки, инстант јадења…
* Од осмиот месец, можете да додавате разни зачини и билки доколку сакате да го подобрите вкусот на храната.
* Децата го сакаат вкусот на јогурт или павлака, па слободно може да ги додавате во кашичките од зеленчук.
ШЕЌЕР
* Кога станува збор за шеќер, дури после првата година може да ја зашеќерите храната на детето и да му понудите слатки. За почеток, треба да давате овошје и производи од овошје.
* Детските потреби на возраст од една до три години се четири грама (една лажица), а за деца од три до шестгодишна возраст – пет грама шеќер.
* Внесот на слатки, чоколада, бисквити треба да се ограничи на десет грама дневно за деца од една до три години, односно 15 грама за деца на возраст од три до шест години.
* Шеќерот треба да се избегнува во исхраната на мало дете секогаш кога е тоа можно, бидејќи може да доведе до расипување на забите и подоцна до гојазност. Наместо чоколадо, на детето понудете му овошна кашичка која ќе ја задоволи потребата за благо.
* Скриен шеќер се наоѓа во слатките пијалаци, сокови, газирани пијалаци, чоколадно млеко…
* Медот не се препорачува за јадење кај деца до една година.
