Според резултатите на студијата спроведена во Медицинската школа Фајнберг, во процесот на губење килограми помага и изложувањето на сончеви зраци. Учесниците во студијата, 54 личности на просечна возраст од 30 години, носеле монитор кој ја мерел нивната изложеност на утрински сончеви зраци во траење од седум дена, а, исто така, воделе и дневник на исхрана и внес на калории.
Оние кои наутро биле повеќе изложени на сончеви зраци имале помал индекс на телесна маса од оние кои не се изложувале на сонце, без оглед на возраста, активноста и она што го јаделе.
Оние кои се изложуваат на сонце имаат помалку килограми затоа што изложувањето на сончева светлина во раните утрински часови, за разлика од подоцнежното изложување на сонце, го ускладува внатрешниот телесен часовник, што значи дека личноста има поголеми шанси да има природен и постојан распоред на спиење.
Од друга страна, постојаниот распоред на спиење помага за ефикасност на метаболизмот, што може да доведе до губење тежина. Друго објаснување, пак, укажува на тоа дека утринската светлина е многу поинтензивна од онаа попладневната или предвечерната и тоа заради поголемото количество на сина светлина која има најсилно влијание на дневниот ритам.
Стручњаците сметаат дека на луѓето им се потребни само 20 до 30 минути да бидат изложени на сонце и тоа меѓу 8 и 12 часот. Времето е совршено – затоа искористете го до максимум!
