Адолесцентките се почесто патат од пореметувања во исхраната, а за тоа во голема мера се виновни социјалните мрежи. Научниците од Универзитетот во Хаифа спровеле истражување над 250 испитаници, кое анорексијата и булимијата ги довело во директна врска со тоа што тинејџерките „висат“ на Фејсбук и Инстаграм.
Стручњаците востановиле дека младите станале зависни од социјалните мрежи и под нивно големо влијание, што несомнено негативно се одразува на здравјето – физичкото и менталното. Ова е особено изразено кај девојчињата кои се незадоволни со изгледот на своето тело во споредба со облините на „ѕвездите“ од интернет, па почнуваат да држат исцрпувачки диети. И така, се повеќе од нив боледуваат од анорексија или булимија.
Авторите на ова истражување истакнале дека пречестите „посети“ на социјалните мрежи доведуваат до еднострано фокусирање на изгледот, навиките и однесувањето. Тинејџерките имаат потреба да изгледаат и да се однесуваат на идентичен начин како и девојките кои ги следат на Инстаграм.
