Сакате да се релаксирате по напорниот ден? Ви предлагаме пет начини како можете да го подобрите расположението на целосно природен начин.
Вдишите етерично масло од лаванда
На мало парче памук капнете неколку капки етрично масло од лаванда, приближете го близу до носот и вдшите неколку пати. Мирисот на лаванда ќе ве опушти и за миг ќе ве смири.Ова можете да го практикувате пред спиење ако имате проблем со несоница.
Испијте чај од камилица или нане со мед
Камилицата и нането имаат опуштачко дејство на умот, така што и од самото вдишување пред да се напиете од чајот ке почувствувате како се релаксирате од стресот. Нането одамна се користи во народната медицина како билка која помага при депресија несоница,нервоза и психичко проблеми.
Консумирајте валеријана
Валеријаната е билка која помага за смирување на умот и добриот сон.Чајот од валеријана често не е лесно да се најде, но сепак на пазарот може да се најдат природни таблети (на база на валеријана), капки и мед со валеријана.
Цитруси за добро расположение
За време на зимските месеци, расположението може да се поправи со етерични масла од цитруси. Ако во домот имате парно и сад за вода, капнете неколку капки етерично масло од било кое цитрусно овошје. Како мирисот се шири низ домот, ќе почуствувате како вашето расположение се подига на позитивно ниво.
Напијте се шолја млеко со ванила и мускатно оревче
Топло или ладно млеко со ванила и мускатно оревче ќе го подобри вашето расположение многу брзо, со оглед дека и двата зачина делуваат релаксирачки и го подобруваат расположението.Во некои култури каде алкохолот не е дозволен, мускатното оравче е главна состојка за добра забава, со оглед дека го подига располжението слично како алкохолот.
