Сезонското афективно нарушување или пореметување е форма на депресија кое е многу зачестено, а лицето чувствува пад на енергијата што предизвикува други симптоми, како недостаток на волја, лошо расположение, иритабилност, па дури и помала потреба за било каков контакт со други лица. Во текот на летото се јавува, појаснува психијатарката Санам Хафез, поради колорација помеѓу недостатокот на сончеви зраци и невротрансмитерите што ја регулираат депресијата и “внатрешниот“ часовник на организмот. Со други зборови, недостатокот на сонце нема само да го намали нивото на витамин Д во организмот, туку ќе го намали производството на серотонин, невротрансмитер кој е одговорен за регулирање на расположението.
Овој синдром често доведува и до прекумерно производство на мелатонин, хормон кој предизвикува поспаност.
СЕЗОНСКО АФЕКТИВНО НАРУШУВАЊЕ ВО ЛЕТО
Со оглед дека се работи за поврзаност со недостатокот на сонце, како тогаш се јавува во лето? Постојат неколку причини, а понекогаш тоа е само депресија која продолжила од зимата. Експертите се согласуваат дека иако се работи за пореметување кое се јавува во зима, тоа всушност може да “нападне“ во секое време, а особено за време на премин кон летото кога во организмот се уште може да има недостаток на витамин Д.
Еве кои симптомите ќе откријат дека се работи за ова нарушување и што можете да направите за да си помогнете:
СИМПТОМИ
- Раздразливост: Овој симптом се јавува и кај депресијата, па понекогаш е тешко да се сфати за што се работи, но ако сте забележале дека почесто плачете во реклами и филмови, тоа може да биде знак дека нивото на серотонин не е во рамнотежна во организмот.
- Недостаток на мотивација: Дали чувствувате дека психички не сте присутни во ниту една ситуација или не можете да заспиете? Ако сте уморни и од најмал напор, тоа може да биде сигнал за сезонско нарушување.
- Тешко ви е да заспиете: Без сон, сигурно ќе се чувствуваме многу поуморни во текот на денот, а причината може да биде сезонско нарушување.
- Сте се изолирале: Кога осаменоста ќе премине во изолација, се раѓаат многу проблеми. Ако ги избегнувате другите, тоа може да биде симптом на сезонско нарушување.
- Мисли за самоубиство: Секој ќе реагира различно на ова нарушување, а кај некои може да се јават благи симптоми, додека други ќе имаат големи проблеми. Доколку ви се јавува идеја за самоубиство, ВЕДНАШ јавете се кај стручно лице за помош.
КАКО ДА ГО ТРЕТИРАТЕ ОВА ПОРЕМЕТУВАЊЕ
Воспоставете хигиена за спиење: Одењето во кревет и будењето организирајте да бидат во слично време, избегнувајте дремење во текот на денот, а треба да ја намалите и физичката активност и внесот на храна и пијалоци во часовите пред спиење.
Излезете на сонце: Доволно е да поминат 30 минути дневно на сонце за да го надополните витаминот Д. Секогаш нанесувајте крема за сончање претходно.
Внимавајте што јадете: Многу е важно да внимавате на здрава, редовна и разновидна исхрана богата со минерали, житарки и витамини, која позитивно ќе влијае на чувството на замор и ќе спречи зголемување на килограмите.
Побарајте помош: Токму специјалист психолог или психијатар е тој кој ќе ви помогне со совети како што поскоро да излезете од оваа состојба.
