Алиса Двек, гинеколог од Њујорк, издвоила неколку од најчестите митови за интимното здравје, кои би можеле да му наштетат на здравјето и во кои не треба да верувате.
Ви требаат спeцијални производи за нега
Доктор Двек вели дека се надева оти ќе успее да ги разубеди луѓето оти вагината е „валкано место“. Таа верува дека производителите на препарати за нега на интимната зона погрешно ги увериле жените дека тоа им е потребно, а не е затоа што женскиот полов орган самиот се чисти. Дотолку повеќе производите можат да го нарушат природниот баланс на микробите и да предизвикаат иритација и чешање. Исто така, го зголемуваат ризикот од бактериски и габични инфекции. Таа уште вели и дека најдобро хигиената се одржува со благ сапун и топла вода.
Јогуртот ја лекува габичната инфекција
Верувале или не постои тврдење дека жените треба да стават малку јогурт „таму долу“ за да ја излекуваат габичната инфекција бидејќи тој содржи пробиотици и добри бактерии. Меѓутоа, д-р Двек предупредува дека бактериите во гениталиите се значително поразлични од оние кои се наоѓаат во јогуртот. Таа додава и дека јогуртот можеби може да ги ублажи симптомите така што ќе ја разлади кожата, но не може да помогне во лекувањето на инфекцијата.
Чешањето секогаш значи инфекција
„Толку жени мислат дека секој симптом е знак на габична инфекција што е просто неверојатно”, вели д-р Двек.
Чешањето во пределот на интимната зона може да биде резултат на иритација на одредени производи, хормонски промени, бактериска вагиноза, трихомонијаза… Доколку имате некои симптоми би требало да појдете на гинеколог, место да правите експерименти и домашни рецепти.
Тампоните можат да се загубат внатре
Таа вели дека технички е невозможно тампонот да се изгуби внатре затоа што грлото на матката е премногу тесно за низ него да помине тампонот.
„Се случува жените да заборават да го извадат и тој може да се загуби, но во смисла на тоа да не можат да го извадат”, објаснува таа.
Половите болести мора да имаат симптоми
Кламидијата е честа полово пренослива болест, а повеќето не ни знаат дека се заразени затоа што нема никакви симптоми.
„Околу 50 отсто од жените не ни знаат дека имаат кламидија”, проценува докторката.
И гонорејата, херпесот, трихомонијазата, ХПВ-то често се случува да немаат симптоми, заради што се мошне важни редовните прегледи.
Секретот значи дека нешто не е во ред
Вагиналниот исцедок е вообичаен и повеќето девојки и жени го имаат. Станува збор за течност или слуз кои му помагаат на органот да се исчисти, да се одржи влажноста и штитат од инфекции.
„Секретот е сосема нормален за повеќето жени, а особено се јавува пред циклус, кога овулирате. Тогаш е малку послузав и посветол”, објаснува докторката.
На некои жени малку повеќе секрет им се јавува пред или после менструација, а најважно е да утврдите што е вообичаено за вас – доколку забележите нешто невообичаено, веднаш појдете на лекар!
