Ако мислите дека не сте доволно добри, а другите околу вас се поинтелегентни, посреќни и се им оди од рака, тогаш страдате од комплес на ниска вредност. Тоа произлегува од мислењето дека имате едвај некоја позитивна особина во однос на лицата на кои се огледувате. Се чувствувате депресивно и беспомошно кога ќе видите како другите напредуваат и се успешни во сите области, додека вие продолжувате да се борите и не ги добивате посакуваните резултати. За да го надминете овој комплекс, веднаш мора да го зголемите нивото на самодоверба. Еве како:
Избегнувајте оддолговлекување
Еден од знаците на комплекс на ниска вреднсот е оддолговлекување. Ако постојано одложувате некоја важна работа и никако да ја завршите, можеби страдате од комплекс на ниска вредност. Тоа можеби го правите затоа што немате доволно верба во себе дека работата ќе ја завршите успешно и ќе ги постигнете посакуваните резултати. Избегнувајте го ова и настојувајте своите задачи и обврски да ги сработите на време, а кога тоа ќе го направите, ќе се чувствувате подобро.
Стекнете нови пријателства
Мора да стекнете нови пријателства. Ако мислите дека тоа е тешко и надвор од вашите способности, размислете повторно! Стекнување на пријател не бара никаков надчовечки напор. Размислете за сите луѓе со кои сте се запознале. Дали навистина сте вложувале огромен труд, некои од нив да ви станат вистински пријатели? Зачленете се во некој клуб кој се занимава со друштвени активности, почнете да се занимавате со некој спорт и многу брзо ќе бидете опкружени со нови луѓе, од кои можеби некои ќе ви станат и пријатели.
Фокусирајте се на позитивните особини
Оставете ги настрана сите свои недостатоци и фокусирајте се само на она што може да го направите. Ова веројатно ќе бара многу труд, но вреди да се обидете. Заборавете дека постојат работи во кои не сте добри и концентрирајте се на она што го правите лесно и во што сте одлични. Чувствувајте се добро, а луѓето ќе почнат да ги препознаваат и да ги ценат вашите квалитети. Фокусирањето на позитивните особини е одличен начин да го надминете комплексот на пониска вреднсот.
Инспирирајте се
Дали сте знаеле дека повеќе од половина славни луѓе имале некој вид на инвалидитет или разни видови на слабости кои не дозволиле да им застанат на патот? Прочитајте книги или погледнете некој фил за таквите луѓе. Ќе бидете изненадени кога ќе дознаете дека успешнтие луѓе не се секогаш екстра паметни, претерано интелегентни или образувани.
