Шеќерната болест е едно од најмасовните страдања на современиот човек, која лесно се дијагностицира и со правилна едукација одлично се превенира и се контролира. Овој прирачник, пред сé, е наменет за лицата со дијабетес и нивните најблиски, како и на стручните медицински лица кои се занимаваат со нивната едукација. Книгата ја препорачуваме и за студентите, како и за лекарите кои започнуваат да се занимаваат со дијабетес, за полесно стекнување на практични сознанија.
Шеќерната болест или Дијабетес мелитус (Diabetes mellitus) претставува хронична, или, би рекле, уште и доживотна болест, што се одликува со нарушување, пред сѐ, на метаболизмот на јаглехидратите, но и на мастите и протеините и со специфични
промени на крвните садови.
СЕ ПОДГОТВУВАТЕ ЗА ПАТ?
Патувањата се секојдневие и неопходност во модерниот живот. Секојдневните кратки патувања со автомобил или јавно средство за превоз не бараат никакви подготовки, освен еден единствен совет:
Не тргнувајте на работа без да појадувате и без да ги земете неопходните лекови за дијабетес.
Ако патувате на подолги релации со автомобил, тогаш во текот на возењето треба да направите пауза за да се освежите со сок или со сендвич.
Ако патувате во странство, тогаш треба да си понесете лекови, особено ако сте на инсулин, треба да си земете инсулин барем за една недела. Треба да потсетам дека во секоја земја, каде и да патувате, ги има сите лекови што ги земате.
За патување со воз или со автомобил на долги релации, со себе треба да носите најмалку еден оброк, но и шеќер, во случај на хипогликемија. Во авионите секогаш има јадење и слободно можете да побарате дополнителен оброк или освежителен пијалак.
Исто така, треба да напоменеме дека со себе мора да носите апаратче за контрола на крвниот шеќер, како и ленти, барем за една недела или, пак, за предвидениот период.
Во случај состојбата да ви се влоши, немојте да се плашите. Секаде има дијабетолози што ќе ви укажат помош.
Добар пат!
(КРАЈ)
