Шеќерната болест е едно од најмасовните страдања на современиот човек, која лесно се дијагностицира и со правилна едукација одлично се превенира и се контролира. Овој прирачник, пред сé, е наменет за лицата со дијабетес и нивните најблиски, како и на стручните медицински лица кои се занимаваат со нивната едукација. Книгата ја препорачуваме и за студентите, како и за лекарите кои започнуваат да се занимаваат со дијабетес, за полесно стекнување на практични сознанија.
Шеќерната болест или Дијабетес мелитус (Diabetes mellitus) претставува хронична, или, би рекле, уште и доживотна болест, што се одликува со нарушување, пред сѐ, на метаболизмот на јаглехидратите, но и на мастите и протеините и со специфични промени на крвните садови.
Протеини (белковини)
Протеините се содржани во сите видови храна од животинско потекло, како и кај некоја храна од растително потекло, како што се: печурките, сојата, гравот, леќата и др.
Многу е погрешно да се смета дека за организмот се доволни само протеини од растително потекло. Во белковините од животинско потекло има т.н. основни или есенцијални аминокиселини што се неопходни за нормален живот, особено за организмите што растат, како и за трудниците и нивниот плод. Самата природа така го создала човекот, што споменатите состојки му се неопходни. Млекото има исклучително поволен состав што е многу делотворен и за желудникот и во секојдневната исхрана, во добар дел, може да ги замени протеините од месото.
Рестрикција на протеините во исхраната треба да се прави ако има нарушување на функцијата на бубрезите, особено при појава на т.н. дијабетична нефропатија или дијабетичен бубрег.
Еден грам протеини ослободува четири калории енергија.
Да напоменеме уште еднаш дека за внесувањето на протеините во клетките и воопшто за нивниот метаболизам не е потребен инсулин, а тоа практично значи дека со внесу-вање протеини во храната не се зголемува гликемијата.
Се смета дека рибата содржи најздрави белковини од животинско потекло и се препорачува да се консумира што почесто, барем еднаш во неделата (според поновите препораки до двапати во неделата). Исто така, се препорачува месото од кокошка и друга перната живина, особено мисирка, ној и др., без кожата.
– ризикот од срцеви заболувања; го намалуваат нивото на ЛДЛ холестеролот; храната е волуминозна и дава чувство на ситост;
– столицата станува редовна и волуминозна;
– според некои сознанија, се намалува процентот на цревни карциноми;
– ваквата храна е поевтина;
– калориската вредност на ваквата храна е минимална, со тоа се избегнува зголемувањето на телесната тежина.
Дневно се препорачува да се внесуваат околу 20 до 30 грама растителни влакна.
(продолжува – МАСТИ)
