Лицата кои ја изгубиле можноста за говор поради мозочен удар или некој друг потежок здравствен проблем, научниците наскоро би можеле со помош на технологијата да им ја вратат таа способност.
Научници од Универзитетот во Сан Франциско објавија дека станува збор за технологија која ја користи мозочната активност за “создавање“ на синтетизиран говор. Според нив, развиен е своевиден имплант за мозокот кој може да ги чита мислите и да ги претвора во говор. Поточно, научниците во мозокот на неколку доброволци вградиле електроди и со нивна помош ги дешифрирале сигналите во центрите за говор како би ги “навеле“ компјутерски симулираните верзии на нивниот вокален тракт – вилица, усни, јазик и грклан, да преку синтисајзер генерираат говор.
Говорот бил помалку нејасен, но разбирлив, што е поттик за научниците, да со некои подобрувања во блиска иднина развијат клинички одржлив уред за пациентите кои ја изгубиле моќта на говорот.
“Кога прв пат ги слушнавме резултатуте бевме навистина шокирани. Не можевме да веруваме на сопствените уши. Имено, многу аспекти на реалниот говор беа присутни во она што го произведе синтисајзерот, поради што сме многу возбудени“, изјавил еден од авторите на студијата, Џош Картие.
Секако, додава тој мора уште многу да се работи за да постигнеме говор кој ќе биде што поприроден, но многу не изненади фактот што толку многу може да се дешифрира од мозочната активност.
