Дека спанаќот дава сила знаел и Попај морнарот, но зошто децата не се радуваат кога за ручек ќе го видат овој зелен зеленчук, објаснува виенскиот професор Хадемар Банкхофер кој вели дека спанаќот содржи одредени киселини кои кај некои деца предизвикуваат одбојност или дури алергија.
Всушност спанаќот и не е јадење за децата, туку попрво за постарите кои би сакале подолго да останат млади и во топ форма. Така, Банкхофер смета дека овој зеленчук е идеално средство против стареење.
Спанаќот содржи каротиноиди, супстанци кои не прават помлади и кои ја хранат мрежницата на окото и штитат од слепило. Исто така, спанаќот содржи и доста магнезиум важен за срцето и крвотокот.
На пример, само 50 грама спанаќ ги покриваат дневните потреби за магнезиум. Освен тоа оваа билка содржи и витамин Е и манган, кои ги јакнат нервите, кожата и косата, но Банкхофер го негира тврдењето дека спанаќот содри доста калциум.
