Научниците од Универзитетот во Берлин и Светската антидопинг агенција (WADA) објавија дека хемикалијата хидроксиексизон или екдистерон, која се наоѓа во спанаќот ја зголемува моќта на спортистите и дека треба да биде забранет како допинг. Според студијата, спортистите кои 10 недели примале хидроксиекдисон преку додатоци во исхраната биле за три пати посилни од оние кои тренирале со плацебо.
„Очекувавме разлика, но не очекувавме дека ќе биде толку голема“, изјавила берлинската професорка Мариа Пар, која била дел од тимот задолжен за ова истражување.
Екдистерон или хидроксиекдисон е стероиден хормон кој е сличен на човечките андрогени како тестостерон. Се смета за адаптоген со оглед на способноста за одржување на телесната рамнотежа и намалување на клеточниот стрес. За спортистите е важен затоа што го зголемува задржувањето на азотот и синтезата на протеините, ја зголемува силата и издржливоста. И не само тоа, во низа истражувања се покажало дека ја зголемува синтезата на протеини, ја зголемува вкупната содржина на протеини и гликоген во мускулите, ја потиснува хипогликемијата, а силно го стабилизира нивото на шеќер во крвта, како гликемискиот регулатор резултира со постојано чувство на висока енергија, потикнува вклучување на гликогенот во црниот дроб и мускулите, спречува висок шеќер во крвта и високо ниво на инсулин, има силни антиинфламаторни својства, го намалува високиот степен на кортизол, ги зголемува спортските перформанси со зголемување на работната способност и капацитетот на белите дробови, го намалува заморот и апатијата, но во исто време ја зголемува брзината и моќта.
Научниците ја советувале WADA да го додаде хидроксиексесон на списокот на забранети супстанци, и тоа откако се појавиле индикации за употреба на хидроксиексизон во руските спортови и тврдења дека супстанцијата ја зголемува мускулната маса и го забрзува закрепнувањето по напорниот тренинг.
